Rinneadh ionsaí mór ar phríomhchathair na hÚcráine,Cív thar oíche aréir.
Maraíodh ar a laghad ceathrar ansin agus sa cheantar máguaird.
Tá an t-ionsaí dróin agus diúracáin ó fhórsaí na Rúise cáinte go láidir, go háirithe ag Rialtais na Fraince agus na Gearmáine.
Gortaíodh breis is 80 duine eile san ionsaí seo atá i ndiaidh aird ar leith a tharraingt mar gur úsáideadh diúracán 'Oreshnik', a bhfuil cumhacht núiclíoch aige.
Seo an 3ú huair ag an Rúis diúracán dá léithid a úsáid ó thug siad ionradh faoin Úcráin breis is 4 bliana ó shin.
Buaileadh foirgnimh chónaithe,ionad siopadóireachta, scoileanna agus iarsmalann le linn an ionsaithe.
'Drochoíche amach is amach' an cur síos a rinne méara Chív ar an ionsaí.