Íocfar €391,953 - €118,000 níos mó ná anuraidh - le Príomhfheidhmeannach Uisce Éireann Niall Gleeson i mbliana.
Gheobhaidh sé €225,000 i mbun-thuarastal, €27,000 in íocaíochtaí pinsin agus €22,000 in "íocaíochtaí eile gearrthéarmacha".
Léirítear an phá agus pinsean a shaothróidh an saoiste i mbliana i dtuarascáil bhliantúil an chomhlachta Stáit, a léiríonn chomh maith gur híocadh €17.84 milliún bónais le foireann Uisce Éireann anuraidh - 36.5% d'ardú ón €13.03 milliún a híocadh i 2024.
43% d'ardú atá ar phá an phríomhfheidhmeannaigh a fuair €274,000 i 2025.
Bronnadh íocaíochtaí a bhain le feidhmiú na foirne ar 3,239 fostaí anuraidh le hais 2,244 i 2024.
€5,511 bónais ar an meán a cheadaigh Bord Uisce Éireann mí Eanáir i mbliana, €319 de laghdú ar an €5,830 ar an meán a bhronn siad tús na bliana seo caite.
Níor híocadh bónas leis an bpríomhfheidhmeannach, faoi threoir ón Rialtas i 2011.
Léiríonn an tuarascáil gur shaothraigh 527 den mheitheal níos mó ná €100,000 anuraidh i gcomparáid le 421 i 2024.
Ceathrar a fuair idir €250,000 agus €275,000; seachtar idir €225,000 agus €250,000 and naonúr idir €200,000 agus €225,000.
hÍocadh idir €175,000 agus €200,000 le 31 agus fuair 47 idir €150,000 agus €175,000.
99 ball foirne a shaothraigh idir €125,000 agus €150,000 agus fuair 330 idir €100,000 agus €125,000.
Mhéadaigh líon na bhfostaithe ó 2,108 go 3,013 - 43% de mhéadú ar an meitheal.
Mhéadaigh brabach roimh cháin Uisce Éireann anuraidh go €396.2 milliún, 23% d'ardú.
Shaothraigh an comhlacht €1.83 billiún, 14% níos airde ná an €1.6 billiún a saothraíodh i 2024.
Anuraidh fuair Uisce Éireann €1.24 billiún i bhfoirm deontais ón Rialtas, shaothraigh siad €332.78 milliún thar sáile, agus mhéadaigh luach na gceangal don chóras uisce 34% go €262 milliún.