D'fhéadfadh sé go gcuirfí cosc iomlán ar dhaoine faoi hocht mbliana déag d'aois a bheith in ann scútair leictreacha a úsáid níos luaithe ná mar a ceapadh anois.
Dúirt an tAire Iompair Darragh O' Brien go bhféadfadh sé go n-ardófaí an aois faoina bhfuil cead scútair leictreacha a úsáid ó 16 go 18 faoi dheireadh na míosa seo nó go luath an mhí seo chugainn agus cead faighte ag an Aire ón Eoraip dul ar aghaidh leis na pleananna.
Tháinig na rialacha nua a bhaineann le scútair leictreacha a úsáid i bhfeidhm inniu. Faoi na rialacha nua, caithfear clogad agus éadaí atá feiceálach a chaitheamh.
Gearrfar fíneáil €100 ar aon duine nach gcloíonn leis na rialacha nua maidir le scútair leictreacha.