Beidh an líon is mó ban riamh go dtí seo san iomaíocht san Olltoghchán, de réir an ghrúpa Women for Election.
248 bean san iomlán a bheidh sa tóir ar shuíochán Dála ar an 29 Samhain - sin ardú de 53% ón bhliain 2020.
Tá an figiúr seo bunaithe ar eolas a chuir Ceann Chomhairimh na 43 Dáilcheantar éagsúla ar fáil.
As an 685 iarrthóir a chláraigh roimh an sprioc am inné, bhí 248 bean ina measc.
Tá ar a laghad beirt bhan san iomaíocht i ngach Dáilcheantar.
Ba é Olltoghchán na bliana 2020 an chéad uair a raibh bean san iomaíocht i ngach Dáilcheantar.
Den chéad uair i mbliana tá cúota ban de 40% i bhfeidhm ag na páirtithe polaitiúla.
Caillfidh páirtithe 50% dá maoiniú Stáit má theipeann orthu cloí leis an chuóta agus a chinntiú gur mná iad 40% dá n-iarrthóirí.
Go dtí seo tá an cuóta bainte amach ag na páirithe uilig a bhfuil ionadaithe Dála acu.
Ba mhná iad 37 den 160 Teachta sa Dáil dheireanach, rud is ionann le 23% den iomlán.
Ní raibh aon ionadaíocht ag mná i gcúig cinn déag de na 43 Dáilcheantair