{"id":112957,"date":"2020-05-14T16:59:38","date_gmt":"2020-05-14T15:59:38","guid":{"rendered":"https:\/\/dev.tg4.ie\/?page_id=112957"},"modified":"2020-05-14T18:59:35","modified_gmt":"2020-05-14T17:59:35","slug":"tu-fein-ar-scailean-comortas-do-dhaoine-oga-a-gclar-teilifise-fein-a-chruthu","status":"publish","type":"page","link":"https:\/\/dev.tg4.ie\/ga\/eolas\/preas\/nuacht-raitis\/2020-2\/tu-fein-ar-scailean-comortas-do-dhaoine-oga-a-gclar-teilifise-fein-a-chruthu\/","title":{"rendered":"‘T\u00fa F\u00e9in ar Sc\u00e1ile\u00e1n’ – Com\u00f3rtas do dhaoine \u00f3ga a gcl\u00e1r teilif\u00edse f\u00e9in a chruth\u00fa"},"content":{"rendered":"

\"\"
\n 
\nwww.bfi.org.uk\/seeyourselfonscreen<\/strong><\/a> <\/span>
\n <\/p>\n

T\u00e1 an com\u00f3rtas\u00a0<\/span>T\u00fa F\u00e9in ar an Sc\u00e1ile\u00e1n<\/strong>\u00a0<\/span>\u00e1 sheoladh inniu ag BFI (British Film Institute)\u00a0 agus cuireadh \u00e1 thabhairt do dhaoine \u00f3ga idir 4-18 bliana d’aois sa R\u00edocht Aontaithe agus in \u00c9irinn smaoineamh d\u00e1 gcuid f\u00e9in a chruth\u00fa do chl\u00e1r gairid teilif\u00edse is f\u00e9idir leo a dh\u00e9anamh ag baile agus iad cuibhrithe.\u00a0 T\u00e1 an Dr Ranj, docht\u00fair agus pearsa teilif\u00edse, ina Ambasad\u00f3ir ag an gCom\u00f3rtas ‘T\u00fa F\u00e9in ar an Sc\u00e1ile\u00e1n’. \u00a0Cuirfidh saineolaithe oili\u00faint ar na buaiteoir\u00ed sula dtaispe\u00e1ntar a gcuid cl\u00e1racha gairide teilif\u00edse ar st\u00e1isi\u00fain n\u00e1isi\u00fanta teilif\u00edse na gCraolt\u00f3ir\u00ed\u00a0Seirbh\u00edse Poibl\u00ed.<\/p>\n

 <\/p>\n

Is tionscnamh an com\u00f3rtas ‘T\u00fa F\u00e9in ar an Sc\u00e1ile\u00e1n’ a th\u00e9ann ar fud lucht an tionscail ar fad.\u00a0 BFI at\u00e1 i mbun na ceannr\u00f3da\u00edochta, tr\u00ed Chiste an \u00c1bhair F\u00e9achana do Dhaoine \u00d3ga (YACF) a gcuirtear airgead poibl\u00ed ar f\u00e1il lena aghaidh, agus t\u00e1 comhar p\u00e1irtn\u00e9ir\u00ed de chuid an tionscail ag cuidi\u00fa leis an mbeart; Milkshake! ar Channel 5, CITV, E4, S4C agus TG4 na p\u00e1irtn\u00e9ir\u00ed craolach\u00e1in a chraolfaidh roinnt de na cl\u00e1racha gairide teilif\u00edse de r\u00e9ir mar a oireann na haoisghr\u00fapa\u00ed\u00a0th\u00edos d\u00f3ibh, agus t\u00e1 Animation UK, BAFTA Kids, The Children\u2019s Media Conference, Into Film, FYI News, Pact agus Sc\u00e1ile\u00e1n Thuaisceart \u00c9ireann ag cuidi\u00fa leis an gcom\u00f3rtas chomh maith.<\/p>\n

 <\/p>\n

D\u00e9anfaidh pain\u00e9al de shaineolaithe \u00f3 na heagra\u00edochta\u00ed p\u00e1irtn\u00e9ireachta molt\u00f3ireacht ar na hiarratais 30 soicind a chuirtear isteach ar an gcom\u00f3rtas agus cuirfear iarratais ar ghearrliosta maidir le gach ceann de na tr\u00ed aoisghr\u00fapa; 4-7 bliana d’aois; 8-13 bliana d’aois; agus, 14-18 bliana d’aois. \u00a0Roghn\u00f3idh molt\u00f3ir\u00ed de chuid na gcraolt\u00f3ir\u00ed ansin na tr\u00ed iarracht as gach aoisghr\u00fapa is fearr a oireann don sprioclucht f\u00e9achana at\u00e1 acu agus tairgfear m\u00e1istir-ranganna digiteacha do na hiarrth\u00f3ir\u00ed\u00a0sin le pearsa l\u00e1noilte i dtionscal na teilif\u00edse a chuideoidh le gach iarrth\u00f3ir acu cl\u00e1r dh\u00e1 n\u00f3im\u00e9ad a chruth\u00fa bunaithe ar an smaoineamh a bh\u00ed acu. Craolfar an cl\u00e1r gairid teilif\u00edse dh\u00e1 n\u00f3im\u00e9ad a chrutha\u00edtear ar an gcaoi sin ar cheann de na St\u00e1isi\u00fain Seirbh\u00edse Poibl\u00ed n\u00edos deireana\u00ed i mbliana.<\/p>\n

 <\/p>\n

D\u00fairt an Dr Ranj: \u201cIs eol d\u00fainn gur f\u00e9idir le ham os comhair sc\u00e1ile\u00e1in, ach a \u00fas\u00e1id go stuama agus le teann cruthaitheachta, cuidi\u00fa go m\u00f3r le leana\u00ed agus le daoine \u00f3ga an saol m\u00f3rthimpeall orthu a scr\u00fad\u00fa agus eolas a chur air.\u00a0 N\u00ed hamh\u00e1in gur f\u00e9idir acmhainn oideachais r\u00edfhi\u00fantach a bheith i gceist, is f\u00e9idir freisin deis a thabhairt do dhaoine \u00f3ga iad f\u00e9in a chur in i\u00fal ar bheala\u00ed\u00a0nua agus cuidi\u00fa lena ch\u00e9ile.\u00a0 T\u00e1 an-t\u00e1bhacht leis sin faoi l\u00e1thair agus cuid mh\u00f3r de na me\u00e1in chumars\u00e1ide d\u00edrithe ar \u00e1bhar scanr\u00fail agus ar ghn\u00e9ithe den saol nach bhfuil smacht ag daoine \u00f3ga orthu.\u00a0 Tr\u00ed leas a bhaint as na me\u00e1in chumars\u00e1ide iad f\u00e9in, agus a mheabhr\u00fa d\u00f3ibh gur m\u00f3r an leas is f\u00e9idir a dh\u00e9anamh leo, is f\u00e9idir cuid mh\u00f3r tairbhe a dh\u00e9anamh do mheon na ndaoine \u00f3ga freisin.\u00a0 Is bre\u00e1 liom an com\u00f3rtas seo a chur i l\u00e1thair agus t\u00e1 m\u00e9 ag tn\u00fath go m\u00f3r leis na smaointe a chuirtear isteach a fheice\u00e1il.\u201d<\/p>\n

\u00a0<\/strong><\/p>\n

D\u00fairt Jackie Edwards, Ceannasa\u00ed Chiste an \u00c1bhair F\u00e9achana do Dhaoine \u00d3ga: \u201cT\u00e1 l\u00e9irithe go gl\u00e9 ag r\u00e9 seo na paind\u00e9ime an t\u00e1bhacht at\u00e1 le Craolt\u00f3ireacht Seirbh\u00edse Poibl\u00ed i saol an uile dhuine.\u00a0 Is f\u00edor sin go h\u00e1irithe ag leana\u00ed agus ag daoine \u00f3ga ar \u00e1bhar muin\u00edne agus misnigh acu daoine d\u00e1 leith\u00e9id f\u00e9in a fheice\u00e1il ar an sc\u00e1ile\u00e1n chomh maith le cl\u00e1racha faoi chult\u00far a bhaineann leo f\u00e9in, rud nach mb\u00edonn ar f\u00e1il go h\u00e9asca i gc\u00f3na\u00ed.\u00a0 T\u00e1 cuireadh \u00e1 thabhairt againn do dhaoine \u00f3ga sa lucht f\u00e9achana ar fud na R\u00edochta Aontaithe agus in \u00c9irinn smaoineamh ar \u00e1bhar cl\u00e1racha d\u00e1 gcuid f\u00e9in i saol seo an chuibhrigh, n\u00ed amh\u00e1in mar dheis cruthaitheachta maidir le h\u00e1bhar siamsa ach mar dheis tuairisc agus cuntas a thabhairt ar an r\u00e9 neamhghn\u00e1ch seo. Is bre\u00e1 linn oiread p\u00e1irtn\u00e9ir\u00ed a bheith ag teacht i gcomhar linn, lucht cruthaitheachta, lucht cist\u00edochta agus lucht craolt\u00f3ireachta, maidir le h\u00e1bhar teilif\u00edse den ch\u00e9ad scoth do dhaoine \u00f3ga.\u00a0 Is iontach an rud gach duine a bheith ag tarraingt le ch\u00e9ile\u00a0 – an tr\u00e1th a bhfuiltear \u00e1 gcoinne\u00e1il \u00f3na ch\u00e9ile – ar mhaithe le T\u00fa F\u00e9in ar an Sc\u00e1ile\u00e1n!\u201d<\/p>\n

 <\/p>\n

D\u00fairt John Whittingdale, an tAire Me\u00e1n Cumars\u00e1ide agus Sonra\u00ed sa Bhreatain: “Is deis iontach \u00ed seo ag daoine \u00f3ga an t-am breise at\u00e1 \u00e1 chaitheamh sa bhaile acu a \u00fas\u00e1id i mbun cruthaitheachta agus toradh a gcuid smaointe a fheice\u00e1il ar st\u00e1isi\u00fan n\u00e1isi\u00fanta teilif\u00edse.<\/p>\n

 <\/p>\n

“Tr\u00ed Chiste an \u00c1bhair F\u00e9achana do Dhaoine \u00d3ga, a gcuirtear airgead poibl\u00ed ar f\u00e1il lena aghaidh, t\u00e1thar ag f\u00e9achaint leis an gc\u00e9ad ghl\u00fain eile de l\u00e1ithreoir\u00ed agus de l\u00e9iritheoir\u00ed\u00a0teilif\u00edse a spreagadh agus a choth\u00fa agus lena chinnti\u00fa go l\u00e9ir\u00edtear an taith\u00ed saoil at\u00e1 ag r\u00e9imse il\u00e9ags\u00fail de dhaoine \u00f3ga ar fud na t\u00edre ar an sc\u00e1ile\u00e1n.”<\/p>\n

 <\/p>\n

Ag teacht le haidhmeanna an Chiste, f\u00e9achann an com\u00f3rtas T\u00fa F\u00e9in ar an Sc\u00e1ile\u00e1n le leana\u00ed agus daoine \u00f3ga a spreagadh chun dul i mbun cl\u00e1racha teilif\u00edse agus deis \u00e1 thabhairt d\u00f3ibh a gcuid smaointe agus a dtaith\u00ed f\u00e9in ar an saol i rith phaind\u00e9im Covid-19 a chur in i\u00fal. \u00a0A bhu\u00edochas de mhaoini\u00fa an Rialtais, cuid\u00edonn an Ciste le h\u00e1bhar teilif\u00edse ar ardchaighde\u00e1n a chur ar f\u00e1il at\u00e1 ina l\u00e9iri\u00fa ar shaol leana\u00ed agus dhaoine \u00f3ga sa R\u00edocht Aontaithe agus in \u00c9irinn agus a chraoladh ar chain\u00e9il craolt\u00f3ireachta seirbh\u00edse poibl\u00ed saor \u00f3 th\u00e1ille.<\/p>\n

 <\/p>\n

Mar gheall ar phaind\u00e9im Covid-19, b’\u00e9igean scoileanna, gn\u00f3lachta\u00ed agus r\u00e9ims\u00ed eile den tsocha\u00ed a dh\u00fanadh.\u00a0 D\u00e1 r\u00e9ir sin, t\u00e1 na milli\u00fain leana\u00ed agus daoine \u00f3ga ag baile ina n-\u00e1ras c\u00f3naithe f\u00e9in sa R\u00edocht Aontaithe agus in \u00c9irinn agus t\u00e1 \u00e1bhar teilif\u00edse is f\u00e9idir a bhreathn\u00fa saor \u00f3 th\u00e1ille, a chuirtear ar f\u00e1il faoi ch\u00f3ras rialaithe agus at\u00e1 s\u00e1bh\u00e1ilte ar cheann de na modhanna is t\u00e1bhachta\u00ed at\u00e1 ar f\u00e1il maidir le l\u00f3n siamsa n\u00f3 l\u00f3n eolais – n\u00f3\u00a0an d\u00e1 rud.<\/p>\n

 <\/p>\n

Ag an am c\u00e9anna, is l\u00e9ir \u00f3 thoradh taighde le gairid nach d\u00f3igh le n\u00edos m\u00f3 n\u00e1 a leath de na leana\u00ed sa R\u00edocht Aontaithe agus in \u00c9irinn idir 8-15 bliana d’aois go bhfuil daoine d\u00e1 leith\u00e9id f\u00e9in le feice\u00e1il ar d\u00f3thain cl\u00e1racha teilif\u00edse, agus ba \u00e9 ba dh\u00f3iche go mbraithfeadh leana\u00ed sna n\u00e1isi\u00fain ach go h\u00e1irithe nach raibh d\u00f3thain leana\u00ed d\u00e1 leith\u00e9id f\u00e9in le feice\u00e1il ar an teilif\u00eds. \u00a0T\u00e1 l\u00edon n\u00edos m\u00f3, ar\u00eds agus ar\u00eds eile, de na daoine \u00f3ga ag dul i muin\u00edn l\u00f3n \u00e1bhair neamhrialaithe, mar shampla \u00e1bhar \u00f3\u00a0imreoir\u00ed tionchair ar l\u00edne, ar minic nach mb\u00edonn an aird ch\u00e9anna ar sh\u00e1bh\u00e1ilteacht an lucht f\u00e9achana ina leith, ach go dtarla\u00edonn na r\u00e9ims\u00ed sp\u00e9ise c\u00e9anna ag na daoine \u00f3ga le lucht a gcruthaithe agus taith\u00ed saoil cos\u00fail lena dtaith\u00ed f\u00e9in.<\/p>\n

 <\/p>\n

T\u00e1 aird le T\u00fa F\u00e9in ar an Sc\u00e1ile\u00e1n sin ar an mbearna sin a l\u00edonadh tr\u00ed dhaoine \u00f3ga a spreagadh le bunsmaointe cruthaitheachta do chl\u00e1racha teilif\u00edse sa R\u00edocht Aontaithe agus in \u00c9irinn a chur isteach sa chaoi agus go gcuirtear ar a gcumas smaointe maidir le cl\u00e1racha teilif\u00edse a chur i l\u00e1thair at\u00e1\u00a0ina l\u00e9iri\u00fa d\u00e1ir\u00edre ar a dtuairim\u00ed agus ar a gcuid sc\u00e9alta f\u00e9in.\u00a0 Iarrtar ar na hiarrth\u00f3ir\u00ed f\u00edse\u00e1n 30 soicind a chur isteach ina dtugtar achoimre ar an gcl\u00e1r gairid teilif\u00edse dh\u00e1 n\u00f3im\u00e9ad a l\u00e9ir\u00edonn a dtaith\u00ed pearsanta f\u00e9in ar an ng\u00e9arch\u00e9im sl\u00e1inte idirn\u00e1isi\u00fanta agus ar an saol at\u00e1 acu ‘ag fanacht sa bhaile’ lena linn.<\/p>\n

 <\/p>\n

Ar chuid de na molt\u00f3ir\u00ed don Chom\u00f3rtas T\u00fa F\u00e9in ar an Sc\u00e1ile\u00e1n, t\u00e1:<\/p>\n

 <\/p>\n

Aoisghr\u00fapa 4-7:<\/strong><\/p>\n