![\"\"](\"https:\/\/tg4-docs.s3.amazonaws.com\/wp-content\/uploads\/2022\/11\/22145516\/Cula4_Logo_Bandearg_1-1920x1080-1.jpg\"){kind=logo}
\n
\nAg L\u00e1 na L\u00e9iritheoir\u00ed inniu, \u00f3c\u00e1id a d\u2019eagraigh TG4 don earn\u00e1il neamhsple\u00e1ch l\u00e9iri\u00fach\u00e1n, f\u00f3gra\u00edodh babhta\u00ed coimisi\u00fanaithe nua don mhaoini\u00fa breise \u20ac7.3m a cheadaigh an Rialtas do TG4 i mBuis\u00e9ad 2023. D\u2019fhreastail suas le ceithre sc\u00f3r ionada\u00ed \u00f3n earn\u00e1il l\u00e9iri\u00fach\u00e1in ar an \u00f3c\u00e1id a bh\u00ed ar si\u00fal i mBaile \u00c1tha Luain. <\/p>\n
T\u00e1 babhta\u00ed nua coimisi\u00fanaithe f\u00f3gartha do chain\u00e9al C\u00fala4 agus caithfear os cionn \u20ac2m ar chl\u00e1racha agus \u00e1bhar nua do ph\u00e1ist\u00ed. T\u00e1 iarratais \u00e1 lorg ar ollsol\u00e1thar ceithre bliana d\u2019\u00e1bhar siamsa\u00edochta do ph\u00e1ist\u00ed idir 8 agus 12 bhliain d\u2019aois ina mbeidh p\u00e1ist\u00ed n\u00f3 tallann \u00f3g l\u00e1ithreoir\u00ed a mheallfaidh an lucht f\u00e9achana ar an sc\u00e1ile\u00e1n. T\u00e1 iarratais \u00e1 lorg chomh maith ar ollsol\u00e1thar do mh\u00edreanna l\u00e1ithreachais le l\u00e1ithreoir d\u00edrithe ar ph\u00e1ist\u00ed faoi dh\u00e1 bhliain d\u00e9ag d\u2019aois don chain\u00e9al. <\/p>\n
Ba mhaith le C\u00fala4 sraith staire do dhaoine \u00f3ga a choimisi\u00fan\u00fa a thabharfaidh l\u00e9argas don lucht f\u00e9achana ar stair na h\u00c9ireann ar bhealach sp\u00e9isi\u00fail agus siams\u00fail agus t\u00e1 smaointe \u00e1 lorg do she\u00f3 cluich\u00ed ina mbeidh scoileanna, clubanna n\u00f3 gr\u00fapa\u00ed cairde in ioma\u00edocht lena ch\u00e9ile. <\/p>\n
T\u00e1 sc\u00e9imeanna eile forbartha f\u00f3gartha do thogra\u00ed dr\u00e1ma\u00edochta r\u00e9amhscoile agus dr\u00e1ma\u00edocht do ph\u00e1ist\u00ed n\u00edos sine idir 8-12 bhliain d\u2019aois, togra beochana do ph\u00e1ist\u00ed idir 8-12 bhliain d\u2019aois agus form\u00e1id siamsa\u00edochta do ph\u00e1ist\u00ed i ngach aoisghr\u00fapa. <\/p>\n
Chun cur le hacmhainn\u00ed foghlama do mh\u00fainteoir\u00ed agus dalta\u00ed, t\u00e1 maoini\u00fa forbartha ar f\u00e1il chun togra\u00ed oideachais uaillmhianacha a l\u00e9iri\u00fa in 2024 at\u00e1 d\u00edrithe ar an nGaeilge a chur cun cinn i scoileanna. Beifear ag d\u00edri\u00fa ar bhunscoileanna agus ar iar-bhunscoileanna, agus beidh b\u00e9im ar leith ar thac\u00fa le m\u00faineadh na Gaeilge i scoileanna nach Gaelscoileanna n\u00f3 scoileanna Gaeltachta iad. T\u00e1 iarratais \u00e1 lorg chomh maith ar \u00e1bhar oideachais gearrfhoirme d\u00edrithe ar ph\u00e1ist\u00ed bunscoile a bheadh feili\u00fanach don su\u00edomh TG4 Foghlaim n\u00f3 le craoladh ar chain\u00e9al C\u00fala4. <\/p>\n
T\u00e1 iarratais \u00e1 lorg chomh maith ag TG4 \u00f3n earn\u00e1il l\u00e9iri\u00fach\u00e1n neamhsple\u00e1ch chun cl\u00e1ir aonair n\u00f3 sraitheanna a fhorbairt sna r\u00e9ims\u00ed seo a leanas \u2013 cl\u00e1racha faisn\u00e9ise n\u00f3 f\u00edorasacha a chraolfar sa phr\u00edomhsceideal, cl\u00e1racha f\u00edorasacha n\u00f3 siams\u00fala a chraolfar don chro\u00edlucht f\u00e9achana, siamsa\u00edocht fh\u00edorasach don teaghlach, ceol tradisi\u00fanta agus siamsa\u00edocht cheol nach ceol traidisi\u00fanta n\u00f3 ceol t\u00edre \u00e9, \u00e1bhar do dhaoine faoi 35 bliana agus form\u00e1id\u00ed ginear\u00e1lta. <\/p>\n