{"id":248603,"date":"2025-12-17T10:41:53","date_gmt":"2025-12-17T10:41:53","guid":{"rendered":"https:\/\/dev.tg4.ie\/?page_id=248603"},"modified":"2025-12-17T10:51:01","modified_gmt":"2025-12-17T10:51:01","slug":"trump-agus-na-gaeil-iniuchadh-tg4-de-ceadaoin-17-nollaig-2025-9-30pm-tg4-tg4-ie","status":"publish","type":"page","link":"https:\/\/dev.tg4.ie\/ga\/eolas\/preas\/nuacht-raitis\/2025-2\/trump-agus-na-gaeil-iniuchadh-tg4-de-ceadaoin-17-nollaig-2025-9-30pm-tg4-tg4-ie\/","title":{"rendered":"Trump agus na Gaeil – Ini\u00fachadh TG4"},"content":{"rendered":"

<\/p>\n

Trump agus na Gaeil – Ini\u00fachadh TG4<\/strong><\/h2>\n

<\/center>
\n

D\u00e9 C\u00e9adaoin 17 Nollaig 2025 \u2013 9.30pm<\/center>
\n
TG4 & TG4.ie<\/a><\/center>
\n 
\n <\/p>\n\n\n
\"Kevin<\/td>\n\"Kevin<\/td>\n<\/tr>\n<\/table>\n

 <\/p>\n

Blais\u00edn – Trump agus na Gaeil – Ini\u00fachadh TG4<\/a>
\n\u00cdomh\u00e1nna – Trump agus na Gaeil – Ini\u00fachadh TG4<\/a>
\n <\/p>\n

T\u00e1 s\u00e9 \u00e1 mholadh do shaor\u00e1naigh de chuid na h\u00c9ireann a bhfuil c\u00f3na\u00ed orthu gan an ch\u00e1ip\u00e9is\u00edocht chu\u00ed sna St\u00e1it Aontaithe gan a theacht ar ais go h\u00c9irinn le haghaidh na Nollag mar gheall ar imn\u00ed faoi bhearta g\u00e9ara an Uachtar\u00e1in Donald Trump maidir le hinimirce m\u00eddhleathach.<\/p>\n

Tugtar rabhadh go bhf\u00e9adfa\u00ed saor\u00e1naigh de chuid na h\u00c9ireann a ghabh\u00e1il n\u00f3 cosc a chur orthu filleadh ar na St\u00e1it Aontaithe in eagr\u00e1n dar teideal \u201cTrump agus na Gaeil<\/strong>\u201d den chl\u00e1r c\u00farsa\u00ed reatha Ini\u00fachadh TG4 a chraolfar ar TG4 D\u00e9 C\u00e9adaoin an 17 Nollaig ag 9.30 i.n.<\/p>\n

Tuairisc\u00edtear ar an gcl\u00e1r chomh maith gur l\u00e9ir \u00f3 fhigi\u00fair\u00ed nua \u00f3n Roinn Gn\u00f3tha\u00ed Eachtracha agus Tr\u00e1d\u00e1la i mBaile \u00c1tha Cliath gur th\u00e1inig ard\u00fa m\u00f3r i mbliana ar l\u00edon na saor\u00e1nach de chuid na h\u00c9ireann a d\u2019iarr c\u00fanamh i nd\u00e1il lena nd\u00edbirt as na St\u00e1it Aontaithe.<\/p>\n

Ag labhairt d\u00f3 ar an gcl\u00e1r, deir Brian O\u2019Dwyer, dl\u00edod\u00f3ir iomr\u00e1iteach de chuid Ghaeil Mheirice\u00e1 agus duine de lucht bunaithe na Irish American Democrats, gurb \u00e9 is ciallmhaire a cheart d\u2019\u00c9ireannach nach bhfuil an ch\u00e1ip\u00e9is\u00edocht chu\u00ed aige n\u00e1 fanacht sna St\u00e1it Aonaithe agus gan smaoineamh ar thaisteal abhaile i rith na Nollag.<\/p>\n

\u201cFaoi mar at\u00e1 c\u00farsa\u00ed, mura bhfuil an ch\u00e1ip\u00e9is\u00edocht acu, n\u00ed f\u00e9idir dul abhaile mar n\u00ed ligfear ar ais isteach iad. Caithfidh siad fanacht as amharc faoi l\u00e1thair le s\u00fail agus go dtiocfaidh maol\u00fa ar ch\u00farsa\u00ed. N\u00edl m\u00e9 in ann comhairle n\u00edos fearr n\u00e1 sin a chur orthu. T\u00e1 an c\u00e1s chomh crua sin, agus chomh cru\u00e1lach. T\u00e1 daoine \u00e1 ngabh\u00e1il acu agus ansin iad \u00e1 gcoinne\u00e1il gan aon gh\u00e1 leis.\u201d<\/em>
\n <\/p>\n

N\u00ed fios go cruinn c\u00e1 mh\u00e9ad \u00c9ireannach at\u00e1 sna St\u00e1it Aontaithe gan an ch\u00e1ip\u00e9is\u00edocht chu\u00ed, cloistear meastach\u00e1in idir deich m\u00edle agus caoga m\u00edle duine. A m\u00f3rchuid sin, thabharfa\u00ed \u201coverstayers\u201d orthu, daoine a raibh cead isteach acu go dleathach ach a d\u2018fhan nuair a chuaigh t\u00e9arma an cheada sin i l\u00e9ig.<\/p>\n

Sa chl\u00e1r faisn\u00e9ise, tugann Kevin Magee, iriseoir fiosr\u00fach\u00e1in, turas go dt\u00ed na St\u00e1it Aontaithe go bhfeicfidh s\u00e9 an c\u00e1s ina bhfuil na h\u00c9ireannaigh gan ch\u00e1ip\u00e9is\u00ed at\u00e1 s\u00e1innithe ag feachtas dian docht an Uachtar\u00e1in Trump imircigh mh\u00eddhleathacha a dh\u00edbirt, feachtas at\u00e1 \u00e1 chur i bhfeidhm ag oifigigh de chuid an US Immigration & Customs Enforcement, n\u00f3 ICE mar is fearr aithne orthu.<\/p>\n

N\u00ed furasta figi\u00fair\u00ed at\u00e1 cruinn agus cothrom le d\u00e1ta a fh\u00e1il \u00f3 ICE faoi l\u00edon na saor\u00e1nach de chuid na h\u00c9ireann at\u00e1 d\u00edbeartha acu ach is l\u00e9ir \u00f3 fhigi\u00fair\u00ed a luaitear ICE mar fhoinse leo gur cuireadh 99 \u00c9ireannach amach as na St\u00e1it Aontaithe idir Ean\u00e1ir agus m\u00ed Mhe\u00e1n F\u00f3mhair i mbliana. De r\u00e9ir ICE, t\u00e1 sin inchom\u00f3rtais le 60 c\u00e1s d\u00edbeartha i rith na bliana roimhe sin, 2024. Is ionann sin agus ard\u00fa 65 faoin gc\u00e9ad in imeacht bliana. Is \u00e9 a thugtar le fios \u00f3na gcuid figi\u00fair\u00ed gur tharla 37 \u00c9ireannach a dh\u00edbirt sa bhliain 2023, 17 sa bhliain 2022 agus deichni\u00far sa bhliain 2021.<\/p>\n

De r\u00e9ir na bhfigi\u00fair\u00ed is deireana\u00ed \u00f3n Roinn Gn\u00f3tha\u00ed Eachtracha agus Tr\u00e1d\u00e1la i mBaile \u00c1tha Cliath, is ionann l\u00edon na saor\u00e1nach de chuid na h\u00c9ireann a d\u2019iarr c\u00fanamh consalachta \u00f3 th\u00fas na bliana i nd\u00e1il lena nd\u00edbirt as na St\u00e1it Aontaithe agus 63 duine. Is tobann an t-ard\u00fa sin ar fhigi\u00fair\u00ed na bliana seo caite, sular th\u00e1inig t\u00fas leis an dara t\u00e9arma Uachtar\u00e1nachta ag Donald Trump. B\u2019ionann l\u00edon ioml\u00e1n na ndaoine a d\u2019iarr cabhair \u00f3n Roinn sa bhliain 2024 agus 15, i gcompar\u00e1id le 18 sa bhliain 2023, aon duine dh\u00e9ag sa bhliain 2022 agus c\u00faigear sa bhliain 2021.<\/p>\n

\u00c1ir\u00edtear leis na 63 dhuine sin a d\u2019iarr c\u00fanamh, daoine at\u00e1 d\u00edbeartha faoi seo agus daoine at\u00e1 ag dul tr\u00edd an bpr\u00f3iseas d\u00edbeartha faoi l\u00e1thair, pr\u00f3iseas lena mbaineann g\u00e9ibheann go minic in ionaid g\u00e9ibhinn \u00e9ags\u00fala lucht imirce ar fud na St\u00e1t Aontaithe. De r\u00e9ir na Roinne Gn\u00f3tha\u00ed Eachtracha, d\u2019fh\u00e9adfadh gur airde n\u00e1 63 l\u00edon d\u00e1ir\u00edre na saor\u00e1nach de chuid na h\u00c9ireann arna nd\u00edbirt n\u00f3 arna gcoinne\u00e1il ag ICE.<\/p>\n

\u201cIs ceart a thabhairt faoi deara,\u201d<\/em> arsa urlabhra\u00ed thar ceann na Roinne, \u201cnach dtagann san \u00e1ireamh leis an bhfigi\u00far seo ach c\u00e1sanna inar iarr saor\u00e1nach, n\u00f3 duine de mhuintir an tsaor\u00e1naigh sin, c\u00fanamh consalachta agus nach g\u00e1 go mbeadh gach c\u00e1s i gceist inar tharla d\u00edbirt go h\u00c9irinn n\u00f3 ina bhfuil saor\u00e1nach i ng\u00e9ibheann faoi l\u00e1thair ag ICE.\u201d<\/em>
\n <\/p>\n

T\u00e1 an Moins\u00edneoir James Kelly, 88, as Contae Luimnigh \u00f3 dh\u00fachas, ag cuidi\u00fa le daoine den lucht imirce nach bhfuil c\u00e1ip\u00e9is\u00ed acu cead a fh\u00e1il fanacht sna St\u00e1it Aontaithe \u00f3 th\u00e1inig s\u00e9 f\u00e9in go Brooklyn ar dt\u00fas, n\u00edos m\u00f3 n\u00e1 60 bliain \u00f3 shin. Faoi dhianfheachtas an Uachtar\u00e1in Trump in aghaidh lucht imirce m\u00eddhleathach, deir seisean go bhfuil an seans c\u00e9anna le haon imirceach m\u00eddhleathach eile go nd\u00edbreofar \u00c9ireannach faoi l\u00e1thair nach bhfuil na c\u00e1ip\u00e9is\u00ed is g\u00e1 aige n\u00f3 aici.<\/p>\n

\u201cN\u00edl aon st\u00e1das n\u00edos fearr ag \u00c9ireannach n\u00edos m\u00f3 n\u00e1 mar at\u00e1 ag aon duine eile. Bh\u00ed tr\u00e1th ann a gcait\u00ed go fabhrach leo, ach n\u00edl aon bhunt\u00e1iste mar sin leo anois. N\u00edl iontu anois ach duine de dhream ar n\u00f3s gach uile dhream eile. T\u00e1 cuid mhaith \u00c9ireannach anseo faoi l\u00e1thair nach bhfuil bun f\u00fathu, nach bhfuil st\u00e1das dleathach acu.\u201d<\/em>
\n <\/p>\n

Molann an Moins\u00edneoir Kelly freisin d\u2019aon duine at\u00e1 gann c\u00e1ip\u00e9is\u00edocht agus iad ina gc\u00f3na\u00ed sna St\u00e1it Aontaithe gan taisteal go h\u00c9irinn i rith na Nollag ar eagla go ngabhfa\u00ed iad, go nd\u00edbreofa\u00ed iad n\u00f3 nach ligf\u00ed ar ais isteach iad.<\/p>\n

\u201cCaithfidh daoine a bheith c\u00faramach gan taisteal go h\u00c9irinn. N\u00ed f\u00e9idir le daoine (gan an ch\u00e1ip\u00e9is\u00edocht chu\u00ed) dul abhaile le haghaidh na Nollag m\u00e1 t\u00e1 s\u00fail acu le theacht ar ais ar\u00eds. Ba mh\u00f3r an triobl\u00f3id sin m\u00e1 t\u00e1 post anseo acu, agus teaghlach, agus gan iad in ann a theacht ar ais isteach go furasta.\u201d<\/em>
\n\u201cIs \u00e9 a mholfainnse gan corraigh. Fan socair. Fan bre\u00e1 socair faoi l\u00e1thair. P\u00f3s Meirice\u00e1nach m\u00e1s f\u00e9idir. Athraigh c\u00farsa\u00ed ar an gcaoi sin. Faigh \u201cgreen card\u201d. Teasta\u00edonn an st\u00e1das ceart, agus is \u00e9 an \u201cgreen card\u201d an t-aon chaoi le seasamh ceart a bheith f\u00fat. T\u00e1 na c\u00e9imeanna tosaigh t\u00f3gtha ansin agat le saor\u00e1nacht a fh\u00e1il.\u201d<\/em>
\n <\/p>\n

Is deacair tuairisc chruinn thr\u00e1th\u00fail a fh\u00e1il \u00f3 ICE ar l\u00edon ioml\u00e1n na ndaoine at\u00e1 \u00e1 nd\u00edbirt as na St\u00e1it Aontaithe ach d\u2019fh\u00f3gair an Department of Homeland Security i m\u00ed Dheireadh F\u00f3mhair figi\u00fair\u00ed lenar luadh \u201crecord-breaking statistics\u201d<\/em>. Luadh go raibh 527,000 \u201cillegal aliens\u201d tugtha chun bealaigh \u201cunder the leadership of President Donald Trump\u201d<\/em> agus gur measadh go mbeadh 600,000 d\u00edbeartha faoi dheireadh na bliana.<\/p>\n

An tr\u00e1th c\u00e9anna a bhfuil lucht riarach\u00e1in an dara r\u00e9 Uachtar\u00e1nachta ag Trump ag gealladh go dtarl\u00f3idh l\u00edon n\u00edos m\u00f3 d\u2019imircigh mh\u00eddhleathacha a dh\u00edbirt as na St\u00e1it Aontaithe n\u00e1 aon bhliain go dt\u00ed seo, is l\u00e9ir \u00f3 fhigi\u00fair\u00ed nua de chuid na Roinne Gn\u00f3tha\u00ed Eachtracha agus Tr\u00e1d\u00e1la go bhfuil ard\u00fa suntasach ar l\u00edon na n-iarratas\u00f3ir\u00ed sna St\u00e1it Aontaithe a chuir isteach ar phas de chuid na h\u00c9ireann. T\u00e1 iarratas ar phas de chuid na h\u00c9ireann d\u00e9anta ag 38,376 duine at\u00e1 lonnaithe sna St\u00e1it Aontaithe go dt\u00ed seo i mbliana. T\u00e1 sin i gcompar\u00e1id le 31,825 anuraidh \u2013 ard\u00fa 21 faoin gc\u00e9ad.\u00a0
\n <\/p>\n

Seo a leanas liosta de na daoine sa chl\u00e1r: Trump agus na Gaeil – Ini\u00fachadh TG4<\/strong><\/p>\n