Tá an fear gnó agus an fiontraí Éireannach,Martin Naughton tar éis bháis.
Bhí sé 87.
Ba é a bhunaigh an comhlacht Glen Dimplex.
Thall i gcathair Seattle i Meiriceá a buaileadh síos tinn é, áit a raibh sé féin agus a bhean Carmel i mbun taistil.
Ba ó Chontae Lú Martin Naughton ó dhúchas.
Bhunaigh sé Glen Electric san Iúr i gContae an Dúin i 1973 agus d'eascraigh an Grúpa Glen Dimplex as sin i 1977.
Bhí sé ina uachtarán ar an ghrúpa gur éirigh sé as i 2016.
'Fiontraí den scoth agus saoránach cineálta atruach a bhí ann' an cur síos a bhí ag an gCeann Comhairle,Verona Murphy air.
Fuair sé an deá-mholadh freisin ó Phríomhfheidhmeannach an cheardchumainn IBEC,Danny McCoy agus ó Choláiste na Tríonóide,Baile Átha Cliath.