Táthar i mbun cuardaigh i gContae Ard Mhacha inniu do fhear atá ar iarraidh ó aimsir na dTrioblóidí i dTuaisceart Éireann, Seamus Maguire.
D'fhuadaigh agus mharaigh paramíleataigh poblachtánacha Seamus Maguire as Achadh Gallan cóngarach don Lorgain agus cuireadh go rúnda é i 1976. Bhí sé 29 bliain d'aois ag an am.
In 2022 , chuir an Coimisiún Neamhspleách um Aimsiú Taisí Íospartach ainm Sheamus Maguire leis an liosta dóibh siúd atá fós ar iarraidh ó aimsir na dTrioblóidí i dTuaisceart Éireann.
Seo an chéad uair go bhfuiltear i mbun cuardaigh sa cheantar dá chuid taisí.
Beidh an cuardach dírithe ar dhá acra talún agus ar thalamh feirme.