Maraíodh triúr mairnéalach as an India inné nuair a d'ionsaigh fórsaí míleata na Stát Aontaithe an long a raibh said uirthi amach ó chósta Óman.
Dúirt Rialtas na hIndia gur soitheach tráchtála a bhí sa long agus go raibh sí cláraithe i bPoblacht Oileáin Palau.
Tá gearán oifigiúil déanta ag an India leis na Stáit Aontaithe faoi mharú an triúir agus is í an dara long a d'ionsaigh na Meiriceánaigh an tseachtain seo a raibh daoine as an India ag obair uirthi.
Dé Luain seo caite, tharrtháil na húdaráis in Óman 24 mairnéalach as an India a bhí ar long eile a ionsaíodh sa limistéar céanna.
Is ar héileacaptar a tugadh i dtír na mairnéalaigh ón long agus í trí thine.
Nuacht agus Cúrsaí Reatha RTÉ