Tá triúr fear faighte neamhchiontach i ndúnmharú Lyra McKee i 2019 i nDoire.
Triail gan giúiré a mhair beagnach 2 bhliain a bhí i gceist os comhair an Bhreitheamh Patricia Smyth i mBéal Feirste.
D'fhág páirtí Lyra McKee, Sara Canning, an chúirt agus an breithiúnas á fhógairt, gan í in ann labhairt a dúirt sí leis na meáin.
Bhí comhfhiontar i ndúnmharú curtha i leith Paul McIntyre (58) as Cosán Cheanannais i nDoire, Peter Cavanagh (38) as Sráid Muire agus Jordan Gareth Devine (25) as Sráid an Easpaig.
Bhásaigh Lyra McKee a bhí 29 tar éis do philéar í a bhualadh agus í ina seasamh le taobh fheithiclí póilíní i gceantar an Chreagáin i nDoire an 18ú mí an Aibreáin 2019.
Bhí buamaí peitril á gcaitheamh leis na póilíní agus cuireadh carr tré thine le linn círéibe inar caitheadh 4 cinn de philéir leis na póilíní.
Ghlac "an tIRA Nua" freagracht as marú Lyra McKee.
Bhí an tIonchúiseamh ag cur i leith an triúir go raibh siad i gcomhluadar an fhir gunna agus gur chuidigh siad leis nó gur ghríosaigh siad é chun í a mharú.
Ach léirigh abhcóidí na gcosantóirí laigeachtaí na h-argóna sin agus nach raibh curtha os comhair na cúirte ach fianaise imthoisceach, agus tá an triúr faighte neamhchiontach.