Tá sé fógartha ag an Údarás Náisiúnta Iompair go bhfuil táillí do dhaoine fásta sa chóras iompair phoiblí le hardú 15% ar an meán ó thús na bliana seo chugainn.
Leasú ar leagan amach ginearálta táillí is cúis leis an ardú, a deir an tÚdarás, an chéad leasú mar é ó 2018.
Os a choinne sin, tá táillí do pháistí le laghdú, go háirithe taobh amuigh de Bhaile Átha Cliath, agus nuair a chuirtear gan rud san áireamh, a deir an tÚdarás, beidh táillí tuairim is 8% níos saoire ná mar a bhí siad ocht mbliana ó shin.
Go deimhin, i dtaca leis an ardú de 15% ar tháillí do dhaone fásta de, a deir an tÚdarás, níl sin féin ag teacht leis an 20.8% d'ardú atá tagtha ar an mboilsciú carnach ó 2022.
Ardóidh an táille ar thuras 90 nóiméad le cárta Leap ó €2 go €2.30, cuir i gcás, mar gheall ar an leasú sin.
Nuacht agus Cúrsaí Reatha RTÉ